Nordsjø 2024

Nordsjøstemnet 2024 gjekk av stabelen i helga, og vi deltok med heile 7 symjarar frå Førde. Emma, Armandas, Mathias, Kevinas, William, Sigurd og Even.

Mathias svømte 6 øvelsar og var spesielt fornøgd med 3 av dei. På 400 fri svømte han på 4.08,20, nok ein klubbrekord i sekken for Mathias. På 100 fly forbetra han sin eigen klubbrekord med tida 58,05. På 100 fri forbetra han også sin eigen klubbrekord med tida 53,22.

Kevinas deltok på 100 rygg og fekk tredjeplass i sin klasse med tida 1.06,00. På 200 fri klokkar han inn på 2.10,64, noko som er innanfor regionslagskravet. God innsats.

William er fornøgd med 2.11,71 på Individuell Medley (forbetring av klubbrekord) og 1.08,55 på 100 Bryst. God gjennomgang inn mot NM i Bodø.

Armandas persa solid på 50 fri med 25,47. 100 Medley gjekk også fort unna, men frå bryst etappen og inn stemmer det ikkje heilt.

Sigurd hadde ein god start på stemnet med pers på 50 fri, 24,64 og førsteplass i sin klasse. Han persa også på 100 fri med tida 56,48. På søndag blei han dessverre sjuk og måtte stå over 3 øvelsar.

Even deltok på 3 øvelsar, og han er mest fornøgd med resultatet på 50 bryst der han persa med 0,99 sekund og fekk tida 33,51. Even var også prega av litt sjukdom i løpet av stemnet.

Emma starta helga med 50 fri der ho der ho persa solid og fekk tida 30,11. Dagen etter er ho med på 50 fly og svømmer inn til 33,45. Resten av helga heiar ho på dei andre.

Vi deltok med stafettlag på 4x100 m fri. Her sette gutane ny krinsrekord med 3.42,30.

Totalt vart det 5 klubbrekordar og 1 krinsrekord i løpet av helga, og det må seiast å vere ein solid innsats av våre svømmere. Vi gler oss til å kome tilbake neste år.

Alle resultat kan studerast her: https://ltmobil.medley.no/klubbperson.aspx?stevnenr=4709&klubbid=47